LAOAG CITY – Nasubbot ti Pilipinas ti ranggo na kas maikadwa a kadakkelan nga exporter ti saba ti intero a lubong.
Gapu iti daytoy, ad-adda pay a palawaen ti Department of Agriculture (DA) ti export portfolio para kadagiti high-value crops (HVC).
Iti babaen ti 2025 High Value Crops Development Program, nangiburay ti Department of Agriculture ti 106,000 planting materials kadagiti lokal a mannalon tapno ad-adda pay a mapapigsa ti produksyon ti sabaken dadduma nga agricultural products tapno maipaay ti demand iti world market.
Segun ken ni Agriculture Secretary Francisco Tiu Laurel Jr., basar iti kaudian a report ti Food and Agriculture Organization (FAO) ti United Nations, kumpirmado a dagiti target nga interbensyon ti gobierno ket agbungbunga ti positibo a resulta.
Sinaruno ti Pilipinas ti Ecuador iti panag-export ti saba ken agtaltalinaed nga umun-una a supplier ti nasao a produkto iti Asya, kalpasan a ngimmato ti 25.6 porsyento ti export volume wenno 2.93 million a metriko tonelada iti panagleppas ti 2025.
