LAOAG CITY – Nakaalan ti Pilipinas ti ummuna a balitok a medalya na iti 3rd Asian Youth Games idiay Bahrain, babaen iti napintas a performance ni Kram Airam Carpio iti Pencak Silat.

Inabak ni Carpio iti girls’ 51 to 55 kg class babaen iti masterful 33-19 romp kontra iti pambato ti Indonesia a ni Qiken Dwi Tata Olifia iti finale a nangitunda iti panangala dagiti Filipinos nga idadaulwan ni Philippine Olympic Committee president Abraham Tolentino ken chef de mission Tatz Suzara.

Inbatad met ti POC a ti panangabak ni Carpio ti mangipasimudaag a maysa isuna kadagiti sumarsaruno nga star iti pencak silat iti Asya.

Daytoy ket gapo ta inabak na ti pambato ti Indonesia nga isu ti naggapoan ti nasao nga sport.

Maipalagip a bi Carpio ket silver medalist iti Asian Pencak Silat Championship.