LAOAG CITY – Nakaaramid ti pakasaritaan iti football ti Pilipinas kalpasan nga inabakna ti Thailand.
Iti umuna a gundaway iti uneg ti 52 a tawen ket inabak ti Philippine Men’s National Football Team ti Thailand iti iskor a 2-1 iti semifinals ti ASEAN Championship AFF Mitsubishi Electric Cup.
Iti umuna a goal ket naiserrek ni Sandro Reyes iti uneg ti 21 a minuto agingga a maitabla ti Thailand iti babaen ni Suphanan Bureerat iti maudi a minuto ti first half.
Apaman a simrek ti second half ket naiserrek ti agtawen iti 25 a ni Enriquie Linares tapno naan-anay a mapangabak ti Pilipinas.
Nagbalin a sulit ti panagbuya ti 7,116 a Pinoy iti Rizal Memorial Stadium.
Maiyuswat ti Leg 2 ti semifinals inton Lunes iti home court met ti Bangkok, Thailand.
