LAOAG CITY – Nakagun-od ti men’s tennis team ti Pilipinas ti 3-0 record iti Davis Cup a maisaysayangkat idiay Bahrain.
Indauloan iti ay-ayam ni Eric Jed Olivarez Jr. iti first singles nga inabakna ni Sonompuntsag Enkhjargal, 6-0, 6-0.
Nangabak met ni Alberto Lim kontra ken ni Undrakh Purdevdorj nga addaan ti iskor a 6-1, 6-3.
Nagballigi iti doubles da Ruben Gonzalez ken Francis Alcantara 6-1, 6-0 kontra kada Tenuun Oyunbold ken Zolbadar Urnukh.
Adda iti Group V ti Pilipinas a nasken a makastrekda iti Top 2 iti 15 a pagilian tapno makaabante iti Group IV promotion.
Kadua ti Pilipinas iti Group V dagiti pagilian a Bahrain, Bangladesh, Bhutan, Brunei, Guam, Laos, Macau, Maldives, Mongolia, Nepal, Pacific Oceania, Tajikstan, Turkmenistan ken Yemen.
