LAOAG CITY – Nakairekord ti $3.68 bilyon ti Pilipinas ti trade deficit idi Pebrero iti agdama a tawen.
Ad-adda a limmawa daytoy ti 23.1% maidasig iti $2.99 bilyon iti napalabas a tawen.
Basar iti Philippine Statistics Authority (PSA), ngimmato ti import ti 12.6% wenno $11 bilyon gapu iti electronics idinto a naginginad ti panagdur-as ti export nga umabot iti 8% wenno $7.33 bilyon a nagresulta iti panagdakkel ti kinakurang iti negosio.
Naammoan a ti China ti umun-una a paggapgapoan ti imported goods.
Iti baet a nalawlawa ngem idi Pebrero 2025, ti deficit ket nababbaba maidasig iti $4.27 bilyon ti nairekord idi Enero 2026.
Iti pakabuklan, ti umuna a dua a bulan ti 2026 ket nangipakita ti apagapaan a panagngato ti trade deficit nga umabot iti $8.0 bilyon
