LAOAG CITY – Binurak ti Pilipinas ti 28-year medal drought na iti SEA Games volleyball kalpasan nga inabak na ti Thailand iti semifinals ti men’s division.
Umabot ti 5-sets ti nabara a laban iti net ti defending champion a Thailand ken team Pilipinas a 1991 pay ti naudi a nag-podium finish a nakagun-odan da ti bronze medal.
Top scorer ti laban ti open hitter a ni Bryan Bagunas a nakairekord ti 27 points idinto a 20 points ken ni Mark Espejo.
Agpapan ita ket saan pay laeng a mamati ni head coach Dante Alinsunurin iti panangabak da ngem inpasingked na nga ad-adda pay a saganaan da ti finals match intono bigat tapno magun-od ti balitok a medalya kontra iti Indonesia.
