LAOAG CITY – Manamnama nga agangkat ti ad-adu pay a bagas ti Pilipinas kadagiti sumaruno a tawen isu a nagtalinaed daytoy a numero uno iti panagangkat ti bagas iti intero a lubong gubuay iti epekto ti El Niño, La Niña ken dagiti naglabas a bagyo iti local production.
Basar iti latest report manipud itu United States Department of Agriculture (USDA), mapattapatta a dumanon iti 4.7 million metric tons (MT) ti rice imports ti pagilian ita a tawen 2024.
Daytoy ket 2.2% a nangatngato manipud iti immuna a pattapatta a 4.6 million million metric tons gapu iti napigsa a demand ti bagas manipud iti pagilian a Vietnam.
Apaman a madanon ti 2025, manamnama a ngumato pay ti rice imports ti pagilian iti 4.9 million metric tons gapu ta nabasbassit ti apit dagiti lokal a mannalon.
Ti baro a pattapatta ti United States Department of Agriculture ket maiyallubog iti nangatngato a forecast para iti world rice imports ita a tawen a maidasig iti panagngato ti demand ti bagas manipud idiay Malaysia ken Nepal.
