LAOAG CITY – Pinadayawan ti Sports Industry Awards (SPIA) Asia ti Pilipinas kas Best SEA Games organizer.
Mismo a ni Philippine Southeast Asia Games Organizing Committee Chairman Alan Peter Cayetano ken PHISGOC chief operating officer Ramon Suzara ti nangawat ti tropeo kabayatan ti SPIA Asia Awards iti Grand Hyatt Manila.
Inbatad ni SPIA CEO Eric Gottschalk a bigbigen da ti naurnus a panangiwanwan ti PHISGOC dagiti 56 nga sports ken 530 nga events.
Inpeksa ni Suzara ti panagyaman na iti SPIA ken inpasingked na a gapu ti naawat a pammadayaw ket ad-adda pay a mainspiraran ti PHISGOC a mangaramid ti trabaho na iti nabatbati pay nga aldaw ti biennial meet.
Kabayatanna, umabot metten ti 106 a medalya ti nagun-od Pilipinas ken 54 ditoy ket gold medal.
