LAOAG CITY – Pinaigetan ti Pilipinas ti pagannurutan iti panag-import ti artificial sweeteners iti baet ti umad-ado nga isyu manipod iti sugar industry mainaig iti agtultuloy a pangta kadagiti local producers.
Inbatad ti Sugar Regulatory Administration (SRA) a masapol nga amin a ma-import nga artificial sweeteners ket addaan ti clearance para iti pannakaiparuk-at da iti babaen ti Sugar Order 5.
Inpakaammo ti Sugar Regulatory Administration nga amin nga aplikante ket masapol nga agbayad applicants ti P25 iti kada kilo iti release fees.
Malaksid iti daytoy, masapol nga agisumitir pay ti surat para iti aplikasyon, bill of lading, commercial invoices, packing list, certificate of origin ken ti analysis para iti pannakaiparuk-at ti imported product.
Inrakurak ti regulator a dagiti importers wenno consignees ti imported goods, products ken ingredients ket masapol a registered international trader ti sweeteners iti Sugar Regulatory Administration.
