LAOAG CITY – Naiget a naglikudan ni Presidente Ferdinand R. Marcos Jr. dagiti rakurak a pagbalbalinen a sentro ti panagsanay ti terorismo ti Pilipinas.
Sungbat daytoy ti presidente kalpasan ti Bondi Beach mass shooting idiay Australia a nakatayan ti 15 nga indibidwal.
Adda ti report a sakbay a napasamak ti mass shooting idiay Australia ket naggapo ditoy Pilipinas dagiti agama a suspek.
Inpetteng ti Chief executive a nabayagen nga agtrabtrabaho ti gobierno tapno maparmek dagiti terorista a grupo ken mapagtalinaed ti kapia iti pagilian.
Iti maika-90 nga anibersaryo ti Armed Forces of the Philippines (AFP) iti Camp Aguinaldo, inpaganetget ti presidente a saan a nakaaawat ti kastoy a saan nga umiso nga akusasyon ken inpasigurado na ti agtultuloy a pannakapapigsa ti kabaelan ken kinasagana ti militar.
Dinayaw pay ni Marcos ti kinabanuwar dagiti napadayawan a kameng ti AFP ken pinatbker manen ti suporta ti administrasyon iti pagsayaatan dagiti soldado, karaman ti panangaprubar na iti Executive Order No. 107 a mangipangato ti base pay ti military ken uniformed personnel mangrugi intono Enero 2026.
