LAOAG CITY – Saan nga umatras ti Pilipinas ti maritime dispute iti China seknan pay laeng iti West Philippine Sea.
Segun ken ni National Security Adviser Eduardo Año, agtultuloy ti panagtakder ti pagilian iti ilaksid ti aniaman a panangpilit, pannakibiang, dakes nga impluensia ken dadduma pay a taktika a mangdadael ti seguridad ken kinatalged ti pagillian.
Inaramid ti top security official daytoy kalpasan ti maysa nga event a naangay kagiddan ti selebrasyon ti maika-8 nga anibersario ti 2016 ruling ti The Hague-based Permanent Court of Arbitration a nangpabor iti dasig ti Pilipinas iti West Philippine Sea ken nangiwaksi China gapu ti panangtagikua da iti disputed waters.
Maipalagip q kimmaro ti tension iti West Philippine Sea iti nagbaetan ti Pilipinas ken China kadagiti napalabas a bulan kalpasan ti agsasaruno a komprontasyon dagiti barko ti 2 a pagilian.
Kabayatanna, napasamak ti kadagsenan nga insidente idi Hunio 17 no sadino a dinadael dagiti kameng ti China Coast Guard dagiti inflatable boats ken equipments dagiti tropa ti Pilipinas ken innalada ti sumagmamano a paltogda idinto a nasugatan ti sumagmamano a Philippine Navy personnel iti insidente pakairamanan ni Seaman First Class a ni Jeffrey Facundo a nakaputdan ti ramay na bayat ti panangisayangkatda iti resupply mission iti BRP Sierra Madre outpost iti Ayungin shoal iti West Philippine Sea.
