LAOAG CITY – Inpasigurado ni Presidente Ferdinand “Bongbong” Marcos Jr. a kaanuman ket saan nga agpaabak ken paidadanes iti siasinno man.
Inrakurak daytoy ti chief executive kalpasan ti kaudian nga agresibo nga addang ti China Coast Guard kontra kadagiti soldado a Pilipino a mangiyus-uswat ti rotation and resupply mission iti BRP Sierra Madre iti Ayungin Shoal ken West Philippine Sea.
Inpetteng ti Presidente a ti panangdepensa iti pagilian ket rumbeng nga agtalinaed a napudno iti panangsolbar ti isyu a natanang.
Inkalintegan ni Presidente Marcos a saan nga agaramid ti aniaman nga addang ti Pilipinas nga agresulta ti giyera ken pannakadangran iti pada a tao.
