LAOAG CITY – Ngimmato iti 15.5 milyon ti bilang dagiti pamilia a Pilipino a marigrigat iti napalabas nga uppat a bulan basar iti latest survey ti Social Weather Stations (SWS).
Ti survey ket naisayangkat idi Abril 11 agingga iti 15 wenno dumanon iti 15.5 a milyon a marigrigat a pamilia a ngimmato manipud iti 14.4 a milyon idi Marso.
Ti self-rated poverty ita ti kangatoan iti uneg ti sumurok dua a dekada idi Disiembre 2024 idi nadanon ti 63 a porsiento.
Bimmaba met iti 32 a porsiento ti bilang dagiti pamilia a “not poor,” nababba ti 36% iti umuna a kuarter ti 2025.
Nagtalinaed met iti 12% ti nangibaga ket addada iti “borderline” poor ita nga Abril.
Iti self-rated poverty, kangatoan ti Mindanao nga adda ti 70%, Visayas nga adda ti 67%, Metro Manila nga adda ti 45% ken Luzon nga adda ti 44%.
Naammoan a kadagiti pamilia a nangibaga nga isuda ket saan a marigrigat, kangaton ti Metro Manila nga adda ti 45%, Luzon nga adda ti 44%, Visayas nga adda ti 21% ken Mindanao nga adda ti 16%.
Kabayatanna, naammoan a ti nasao survey ket nakipasetan ti 1,800 a respondents.
