LAOAG CITY – Kinumpirmaran ti Department of Foreign Affairs (DFA) a maysa a Pilipino ti karaman kadagiti natay iti nalawa a wildfires iti Maui island idiay Hawaii.
Ti biktima a Pilipino ket ti agtawen ti 79 a ni Alfredo Galinato a maysa a naturalized US citizen ken tubo iti Ilocos region.
Segun pay iti ahensiya, tultulunganen ti Konsulada ti Pilipinas iti Honolulu ti pamilya ti biktima nga adda idiay Hawaii.
Ummuna iti daytoy, ni Galinato ket isu ti maysa kadagiti ummunan a biktima a nabigbig ti Maui county authorities.
Inbatad pay ni Department of Foreign Affairs Undersercretary Eduardo De Vega a basar iti PH consul general, awan ti passport/dual citizenship database ni Galinato.
Kunana a gapo iti daytoy ket posible a nagrenew ti pasaporte na iti sabali a lugar isut gapo na a mangiyuswat da pay ti panagsukisok seknan iti daytoy.
Kabayatanna, inlawlawag na a posible pay nga aggapo iti Latino heritage ni Galinato.
