LAOAG CITY – Mamati ni Bombo International News Correspondent Claudine Vallade iti Georgia, USA nga adda ti maipagarop a panagswitik iti eleksyon.
Segun kenni Vallade, nasapa unay a nagisubmitir ti resulta ti California iti laksid a daytoy ti maysa kadagiti major states iti Amerika.
Inbatad na a nagdudua da iti electoral votes ti California no ikumpara iti Georgia nga estado nga ayan na nga iti agdama ket saan pay a nalpas.
Mainaig iti daytoy, kuna ni Vallade a no ni Democratic candidate Joe Biden ti mangabak ket mabalin a maapektaran ti benifit da gapo ta military veteran family ti nakaikamangan na, ken ti nangato a tax.
Kabayatanna, kunana a magagaran dan a maamoan no siasinno ti mangabak.
