LAOAG CITY – Agkaykaysa dagiti Overseas Filipino Workers idiay Italya ti panangsuporta ti pederalismo a kayat nga inaptungpal ni Presidente Rodrigo Duterte ditoy pagilian.
Segun kenni Mr. Demetrio Rafanan, maysa nga OFW idiay Roma, nangiwayat ti taripnong dagiti lider ti nagduduma a filipino community iti Italya mainaig ti panagsuporta kenni Duterte ken ti pederalismo.
Kuna na a karaman a nakipagpaset dagiti 34 nga filcom leaders iti taripnong ken ti kangrunaan a bisita da ket ni Astravel Pimentel-Naik iti Presidential Legislative Liason Office.
Inbatad ni Rafanan a ti pederalismo ket tapno ma-decentralised ti beurocracy ngem mapagtalinaed na ti “one flag, one currency, one constitution, one armed forces, one foregin policy”.
Naamuan a kageddan ti taripnong ti pannakairubuat ti “Tapang at Malasait Chapter” iti Sentro Pilipino Chaplaincy idiay Roma ken karaman pay iti launching ti Partido Demokratiko Pilipino Pasay City chapter nga idadauloan ni Coco Naik.
