LAOAG CITY – Pagan-annaden ti Department of Health (DOH) dagiti Pilipino idiay Japan kageddan ti panagngato dagiti kaso ti trangkaso wenno influenza-like illnesses (ILIs).
Kinumpirmaran ni Health Spokesman ken Assistant Secretary Albert Domingo a nangiparuk-at ti abiso ti embahada ti Pilipinas idiay Japan maipanggep iti panagngato ti kaso ti trangkaso iti nasao a pagilian.
Nupay kasta, insigida nga inlawlawag ni Domingo nga awan pay ti outbreak ti nasao a sakit.
Nangrugi a ngimmato dagiti kaso ti sakit idiay Japan idi Nobiembre 2024 ngem idi Enero ket nangrugi met daytoyen a bimmaba.
Inabisoan ni Domingo dagiti Pinoy nga agbibiahe idiay Japan nga agannad tapno saan a maakaran ti sakit kas ti regular a panagbuggo ti ima, panagisuot ti face mask ken panangabbong ti bibig no aguyek.
