LAOAG CITY – Naipaayan ti burial assistance dagiti pimmusay a Member Consumer-owners manipud kadagiti innem nga ili babaen ti Ilocos Norte Electric Cooperative wenno INEC.
Naammoan a karaman ditoy ti ili ti Dingras, Bangui, Sarrat, San Nicolas, iti siudad ti Batac ken ditoy siudad ti Laoag.
Segun iti kooperatiba, kalikagum daytoy nga inisyatibo a mangalay-ay ti gastos dagiti pamilia ti pimmusay nangruna iti funeral expenses dagitoy.
Inbatadna a babaen iti daytoy ket maiparikna ken maipakita kadagiti Member Consumer-owners a ti kooperatiba ket ipatpatungpalna ti patas a pannakatratar ken pannakaited ti oportunidad kadakuada.
Maipalagip nga immunan nga inrakurak ni Mr. Perry Martinez, Acting General Manager nga inikkatdan ti 70 year-old age limit dagiti mabalin a miembro iti kooperatiba.
