LAOAG CITY – Inbaga ni Barangay Chairman Daniel Lacar iti Barangay 6, San Pedro iti ili ti Bacarra a na-cremate a dagus ti bangkay ti kabarangayan da a pimmusay kalpasan a nagpositibo ti covid-19.
Inbatad ti kapitan a ti pimmusay ket ni IN-C2962, babai, agtawen ti 63.
Inlawlawag ni Lacar a ti nasao a pasyente ket immuna a nagsagaba ti sakit a pnemonia.
Innayon na a ti kabbalay a pasyente ket ti manugang na nga iti agdama ket naka-isolate gapu ta positibo met daytoy ti covid-19.
Gapu iti daytoy, inbatad ni Kapitan Lacar a napalalo ti ladingit ti sibubukel a barangay da.
Kabayatanna, immapela ni Lacar kadagiti kabarangayan na a saan koman a rumrumuar no awan ti napateg nga aramiden da tapno maliklikan ti panagwaras ti virus iti nadakamat a barangay.
