LAOAG CITY – Inbatad ni Barangay Chairman Michael Lardizabal iti Barangay San Joaquin iti ili ti Sarrat a ti pimmusay a kabarangayan da a ni IN-C3051 ket adda ti asthma na.
Segun kenni Lardizabal, posible a ti nakaalaan ni IN-C3051 ket iti pagtrabahoan na kas maysa nga stay-in private driver.
Inlawlawag na nga idi nakitaan ti sintomas ti covid-19 ni IN-C3051 ket dagus a naipakaammo iti Rural Health Unit ken nai-isolate.
Kunana a naka-quarantine metten ti pamilya ti pasyente ken awan met ti ado a nakapulapol na iti barangay da.
Mainaig iti daytoy, kalpasan a pimmusay ket dagus a nipa-cremate idiay ciudad ti Vigan ken idi rabii ket simmangpet ti dapo na iti pagtaengan da.
Innayon na a dagus met a maitabon ti dapo na ken saanen a maimansayag iti laksid a nakaipa-cremate ti bangkay ti pasyente.
