LAOAG CITY – Pimmusayen bayat a maag-agasan iti Governor Roque Ablan Senior Memerial Hospital (GRASMH) ditoy ciudad ti Laoag ti driver ti motorsiklo a nakidinnungpar iti maysa a kurung-kurong iti ili a San Nicolas.
Immunan a pimmusay ti maysa kadagiti nakalugan ti kurung-kurung a ni Rolly Campilla, foreman at taga Barangay Sabangan, Santiago, Ilocos Sur.
Nabigbig ti driver ti motorsiklo a ni Mark Christoperson Dela Cruz, agtawen iti 30, taga Barangay 27 itii ili a Bacarra.
Maipalagip a kalubbon ni dela Cruz ti masikog a live-in partner na a ni Cristine Mae Topacio, agtawen iti 23, residente iti Barangay Bingao iti ili a San Nicolas.
Naamoan nga indeklara metten ti maysa a doctor iti nasao nga ospital a pimmusayen ti sikog ni Topacio ken naituding a dumalan iti operasyon para ti naan-anay a pannaka-ikkat ti ubing iti buksit na.
