LAOAG CITY – Umaboten iti 16 a tattao ti nakumpirmaran a natay iti iduduprak ti Hurricane Milton idiay Florida.
Segun kadagiti otoridad, mabalin pay a ngumato ti bilang gapu iti agtultuloy a napigsa a tudo ken angin.
Malaksid iti daytoy, umabot metten iti minilyon a pagtaengan ken pasdek negosyo ti naapektaran gapu ti panagawan ti suplay ti kuryente.
Gapu iti daytoy, nagballaag dagiti opisyal iti posibilidad a kumaru pay ti epekto ti bagyo.
Maipalagip a kabayatan ti iduduprak ti Hurricane Milton ket nakapasar pay ti nasao a lugar ti napigsa nga alipugpog.
