LAOAG CITY – Dumanonen iti 20 a tattao ti pimmusay kalpasan a dimmuprak ti hurricane Helene idiay Florida.
Basar iti National Hurricane Center a kalpasan ti panag-landfall ti hurricane Helene idiay Florida ket nangitunda ti panaglayos iti dakkel a paset ti Georgia iti Atlanta.
Naiwaras metten ti maysa a ribu a Georgia Guard Troops kas pammilin ni Georgia Governor Brian Kemp tapno tulungan dagiti residente a makaibakwit.
Adu a residente ti napukawan ti suplay ti kuriente nangruna iti dakkel a paset ti North at South Carolina, Georgia, Florida, Ohio, West Virginia, Tennessee ken Virginia.
Kabayatanna, mangnamnama ti National Hurricane Center nga umadayo ti nasao a bagyo iti Atlanta.
