LAOAG CITY – Inrubuat ti kompania a Shimadzu Corp. idiay Japan ti maysa nga optical lattice clock a maibagbaga a pinaka-eksakto nga orasan iti intero a lubong.
Ti orasan a naawagan nga Aether Clock OC 020 ket ad-adda nga accurate ti 100 a daras maidasig iti agdama a cesium atomic clocks ken agpaut ti sangapulo a bilyon a tawen sakbay nga agbiddot ti maysa a segundo.
Maiyarngi daytoy kas bassit a refrigerator ti disenio daytoy ngem bassit ti advanced a teknolohia a mabalin a mausar iti panangmonitor iti ginggined, panaggaraw ti crust ti lubong ken dadduma pay a sientipiko a panagsukisok.
Daytoy ket maysa pay a commercial optical lattice clock nga alisto nga iyakar ken saanna a kasapulan ti komplikado a pannakaiplastar.
Nangrugin a mangala ti order ti Shimadzu para iti orasan nga addaan ti presio iti $3.3 milyon wenno katukad ti P186 milyon iti kada unit.
Addan ti maysa a nakagatang ken kalikagum ti kompania a makailako ti 10 nga unit iti uneg ti tallo a tawen no sadinno a manamnama a dagiti research institutions ti agbalin a kangrunaan a gumatang.
Naammoan a ti Aether Clock OC 020 a pinaka-eksakto nga orasan iti intero a lubong.
