LAOAG CITY – Isayangkat ti City Agriculture office ditoy ciudad ti Laoag ti “PINAKBET FESTIVAL” babaen Iti pannakibinnulig da iti maysa a pribado a kompanya.
Daytoy ti inpakaammo ni Engr. Shiela Opelac, ti mangidadaulo ti City Agriculture Office ditoy ciudad.
Segun ken ni Opelac, isayangkat da ti “Pinakbet Festival” iti Brgy. Casili ditoy ciudad a pakaitampokan kadagiti nagduduma a klase iti nateng.
Mainai iti daytoy, kuna ni Opelac a maawis dagiti umili a mapan mangkita kadagiti nagduduma a klase ti nateng a gatangen da.
Malaksid iti daytoy, inbatad pay ni Engr. Opelac nga addan to pay maangay a raffle draw ken discount para kadagiti mapan makipaset iti nasao a programa.
Innayon na a gagem ti programa a maikkan ti gundaway dagiti vegetable growers a mangkita no ania pay dagiti mabalin nga imulada a nayun iti pamastrekan da.
