LAOAG CITY – Nangirubuat ti Philippine Health Insurance Corp. (PhilHealth) ti baro ken pinalawa a pakete ti benepisio para iti 2025 a gagem a pasayaaten ti coverage para kadagiti Pilipino.
Iti panagtataripnong dagiti stakeholder iti Pasig City, inpakita ti Presidente ken Chief Executive Officer ti PhilHealth a ni Emmanuel Ledesma Jr. dagiti na-update a pakete a pakairamanan ti panagngato iti sakupen para kadagiti sumagmamano nga agas.
Naammoan a karaman kadagiti update, ti Ischemic Heart Disease-Acute Myocardial Infarction package ket nakakita ti dadakkel a pannakailawana no sadinno ti balor ti Percutaneous Coronary Intervention (PCI) ket ngimmato ti P524,000 manipud iti P30,300, maysa a 1,600% a panagngato.
Malaksid iti daytoy, sakupenen ita ti Z Package para iti Peritoneal Dialysis (PD) ti Continuous Ambulatory ken Automated Peritoneal Dialysis para kadagiti pediatric a pasiente nga adda ti panagngatona a sakupen ti agingga 89% manipud kadagiti napalabas a limitasion.
