LAOAG CITY – Nakastreken ti quarterfinals ti women’s boxing 50 kgs. division ni Aira Villegas.
Nagun-od ti Pinay boxer ti unanimous decision kontra ken ni Romaysa Boulam ti Algeria.
Iti umuna a round ket dominado ni Villegas ti laban no sadinno ket nagsasaruno ti danogna iti Algerian boxer.
Pinilit pay a kumamat ni Boulam ngem saan a nagpaatiw ni Villegas agingga a nalpas ti last round ken naideklarar nga isuna ti nangabak.
Aminado ni Villegas nga iti rugina ket agdandanag isuna ket ti panagballigina ket maibilang a regalo gapu ta nairana nga agkasangay daytoy iti mismo labanna.
