LAOAG CITY – Nakastreken iti sumaruno a round ni Filipino boxer Aira Villegas kalpasan nga inabakna ni Yasmine Mouttaki ti Morroco iti women’s 50kgs. iti agtultuloy a Paris Olympics.
Nagun-od ni Villegas ti unanimous decision a panangabak kontra iti Morrocan boxer.
Iti rugi pay laeng ti ay-ayam ket nagbalin nga agresibo ti dua no sadinno nagsinnukatda ti napigsa a danog.
Binallaagan pay ti referee ti Morrocan boxer gapu iti nalabes a panagasidegna iti Pinay boxer.
