LAOAG CITY – Nakastreken iti quarterfinals ti Women’s 57 kg. divisioin ni Pinay boxer Nesthy Petecio.
Daytoy ket kalpasan nga inabakna ni Amina Zidani ti France iti Round 16 iti babaen ti majority decision.
Iti umuna a round ket iggem ni Zidani ti lamang ken iti iseserrek ti second round ket aggudua ti puntos dagiti judges.
Saanen nga inpalubos ni Petecio a masayang ti panagrigrigatna isu nga iti thrid round ket nagsasaruno ti danogna iti kabinnalubalna a boksingero ti France.
Inadmitir ti Tokyo Olympics silver medalist a narigatan isuna iti laban isu nga adda dagiti plano nga inaramidna iti last round tapno agballigi iti laban.
Nagyaman daytoy kadagiti Pinoy fans a nagbuya iti laban.
