LAOAG CITY – Dimmalan iti operasion para iti pannakataming ti napigis nga akin-kannigid nga ACL ti Olympian a ni Sam Catantan.
Naiyuswat ti opersion daytoy iti St. Luke’s Hospital idiay Taguig City maysa lawas kalpasan ti laban daytoy ken ni Mariana Pistola ti Brazil idi Paris Olympics.
Ti nasao nga injury daytoy ket agpada a sinagabana idi 2023 Southeast Asian Games a nangitunda iti panagsanudna iti gold-medal match iti women’s individual foil.
Immunan nga inadmitir ti Pinay fencer a saan pay a naan-anay a nagimbag isuna ngem gapu iti gagarna a makipaset iti Olympics ket pinilitna nga agay-ayam.
Naammoan a ti injury-na ket isu ti nagbalin a lapped iti panagpokusna iti panagay-ayam.
