LAOAG CITY – Naladingit ti maysa a Pinay nga Overseas Filipino Worker idiay Athens, Greece gapu ti maipagarup a panagpakada ti asawa na kalpasan a natagtagainep na iti piyesta ti minatay.
Iti pannakiuman ti Bombo Radyo Laoag kenni Mrs. Elizabeth Bolibol, tubo ti Brgy tonoton Piddig, Ilocos Norte, agtrab-trabaho idiay Athens, Greece, pimmusay ti asawa na a Pakistani nga adda idiay Pakistan gapu ti high blood pressure.
Kuna na a sakbay a pimmusay ti asawa na a ni Shahed Begam Akmed, agtawen ti 43, nakita na iti darepdep a nakaarwat ti puraw a lupot ken adda ti inwayat na kenkuana.
Inbatad ni Bolibol a saan na a namnamaen a pimmusay ti asawa na ken nairana pay a piyesta ti minatay.
Segun kenkuana, adda ti nagsaritaan da iti asawa na a no siasinno ti umuna a matay ket nasken a taraknen da dagiti annak da.
Innayon ni Bolibol a dagus a maitabon ti asawa na kalapsan ti 24 nga oras gapu ta tradisyon daytoy dagiti muslim.
