LAOAG CITY – Nakagun-od ti balitok a medalya iti 2024 World Taekwondo Junior Championships ti pambato ti pagilian a ni Tachiana Mangin.
Daytoy ti umuna a balitok a medalya a nagun-od ti pagilian iti nasao a torneo a naiyuswat idiay Chuncheon, South Korea.
Inabak ni Mangin ti pambato ti host country a ni Hyanggi Kim iti deciding round ti 49 kgs. finals iti iskor a 7-6.
Sakbay ti deciding round ket nagun-od ni Mangin ti balligi iti umuna a round 14-8 idinto a nakabawi ni Kim iti maikadua a round iti iskor a 4-3.
Nakastrek iti semis ti pambato ti pagilian kalpasan a simmanod ti naituding a kalabanna koma a ni Lamprini Anna Asimaki ti Greece gapu iti injury.
