LAOAG CITY – Nangabak ni Pinay Mixed Martial Artist a ni Islay Erika Bomogao iti umuna a labanna iti ONE Championship.
Daytoy ket kalpasan nga inabakna ni Japanese fighter a ni Fuu iti undercard ti ONE Friday Fights 86 a naiyuswat iti Lumpinee Stadium idiay Bangkok, Thailand.
Iti umuna a round ket inadal nga umuna a nasayaat ti agtawen iti 23 a Pinay dagiti garaw ti kalaban.
Nakigeddan daytoyen iti maikadua a round agingga iti maikatlo a round no sadinno a nagsasaruno ti danog ken kugtar ni Bomogao iti Japanese fighter.
Iti kamaudiananna ket pimmabor dagiti tallo a judges ken ni Bomogao.
