LAOAG CITY – Inbatad ni Elizabeth Bolibol iti Athens, Greece a maiyawiden ditoy pagilyan ti bangkay ni Leticia Rosauro Bermudez a taga Pinili, Ilocos Norte.
Segun ken ni Bolibol, maibiyahe idiay Greece ti bangkay ni Bermudez intono Pebrero 20 ken addan ton ditoy pagilyan intono Pebrero 21.
Inlawlawag na a nagtitinnulung da a Pilipino idiay Greece para iti pannakaiyawid ditoy pagilyan ti bangkay ti nasao a biktima.
Innayon na nga adda met ti inted a tulong ti nagbalin nga amo ti biktima, Philippine Embassy idiay Greece ken ti OWWA.
Inpakaammo pay ni Bolibol nga adda ti maiwayat a public viewing ti bangkay ni Bermudez iti tallo nga oras sakbay a maiyawid ditoy pagilyan.
Naamoan nga umab-abot iti nasurok a 2 ribo nga Euro ti pagbayad ti pannakaiyawid ti bangkay ti kadaraan ditoy pagilyan manipod idiay Greece.
Maipalagip a natay ni Bermudez idiay Greece kalpasan a nag-highblood ken ti biktima ket maibilang nga undocumented pinay.
