LAOAG CITY – Pimmusay ti maysa a pinay nurse kalpasan ti tallo a lawas a pannakai-confine na gapu iti covid-19 idiay California.
Iti report ni Bombo International Correspondent Ray Villanueva iti Los Angeles, California, binigbig na ti natay a pinay nurse a ni Arleen Domingo, taga Barangay 1, ditoy ciudad ti Laoag ngem agdama nga agnanaed idiay California ken agpapaay kas nurse iti Mission Community Hospital iti Panorama City, California.
Segun ken ni Villanueva, immuna a naiconfine ken pimmusay ti ama ni Domingo a ni Fernando Aquino gapu iti covid-19.
Uray ti ina ni Domingo a ni Josie Aquino ket nakaptan met ti virus ken iti agdama ket nakaventilator daytoy.
Inpakaammo ni Villanueva nga uray dagiti dua nga annak ti pinay nurse ket nagpositibo da ti covid-19 ngem nagimbagen dagitoy.
Ni Domingo ti maikawalon a Pinay nurse a natay idiay California gapu iti coronavirus.
