LAOAG CITY – Inabak ni Pinay tennis star Alex Eala ni Lesia Tsurenko ti Ukraine idiay Madrid Open.
Naala ni Eala ti 2-6, 6-4, 6-4 a panangabak kontra iti world number 41 tennis player.
Ti nasao a panangabak ket dakkel a balligi ken ni Eala iti career daytoy gapu iti nangato a ranking nga inatiwna.
Iti rugi ti ay-ayam ket nagbalin a naginad ti agtawen ti 18 a ni Eala kontra iti agtawen ti 34 nga Ukrainian tennis player agingga a maalana ti taray ti ay-ayam ken naan-anayen a nagballigi.
Naudi a nakalabanna ni Sorana Cirstea ti Romania a ranked number 30.
