LAOAG CITY – Nakagun-od ti kablaaw ni Pinoy super bantamweight champion Carl Jammes “Wonder Boy” Martin manipud kadagiti nagduduma a boksingero iti pagilian gapu iti panangato ti ranggona iti World Boxing Organization.
Maibasar iti ranking nga inruar ti World Boxing Organization, ti boksingero manipud Lagow, Ifugao ket addan iti maikadua a ranggo.
Mainaig iti daytoy, ni Martin ket addaan iti 24 a panagballigi ken awan ti pannakaabakna nga addaan iti 19 a knockouts bayat a ni Inoue ket addaan iti 28 a panagballigi ken awan ti pannakaabakna ken ni Goodman ket addaan iti 19 a panagballigi ken awan ti pannakaabakna.
Dakkel a karit para ken ni Martin ti makasango ni Inoue a maibilang kas undisputed champion iti uppat a major title iti WBO, WBC, IBF ken WBA.
Kabayatanna, nagtalinaed ti atensionna iti title eliminator gapu ta ni Pinoy boxer Marlon Tapales ti top rated strongman a sanguen ni Inoue.
