LAOAG CITY – Pinatumba iti uneg laeng ti maysa a round ni dati a two-division boxing champion Marlon Tapales ni Nattapong Jankaew ti Thailand.
Gapu iti panangabak ket naala ti Pinoy boxer ti WBC Asian Continental super bantamweight title iti laban a naisayangkat iti Midas Hotel and Casino iti siudad ti Pasay.
Iti panangrugi ti laban dagus nga inparaman ni Tapales iti kalabanna dagiti napipigsa a danogna no sadino namindua a darasna pay daytoy a napatumba.
Nakita ti referee ti panagtedted ti dara ti Thailand boxer isu a natulid daytoy iti 2:15 nga oras iti round one rason nga insardengna ti ay-ayam.
Addaan ti record ita ni Tapales ti 38 a panangabak ken uppat a pannakaabak nga addaan ti 20 knockouts idinto a ni Jankae ket addaan ti 12 a panangabak ken uppat a pannakaabak ken walo a knockouts.
Napaay met ti Pinoy boxer a ni Reymart Gaballo iti ima ni Kenbun Torres ti Mexico.
Inpasardeng ti referee ti laban iti uneg ti 2:33 iti round one idi mapatumbana ni Gaballo.
