LAOAG CITY – Inpasigurado ni World Boxing Council (WBC) minimum weight champion, Melvin “Gringo” Jerusalem nga agbalin a nabara ti panangbirokda ti challenger a ni Luis “Fiechita” Castillo inton Domingo para iti WBC title.
Ni Castillo ket maysa nga undefeated number 1 contender ni Jerusalem ket addaan ti rekord a 21 a panangabak pakairamanan ti 13 knockouts.
Nupay bisita laeng ket mamati isuna a kabaelanna nga agawen ti titulo ni Jerusalem iti bukudna a pagilian.
Inpettengna a sinaganaanna ti laban gapu ta maysa daytoy a dakkel nga oportunidad.
Idinto a ni Jerusalem ket addaan ti 23 a panangabak ken tallo a pannakaabak pakairamanan ti 12 a knockouts no sadinno daytoy ti umuna a gundaway a maidepensana ti belt iti bukudna a pagilian.
Kalikagum ti Pinoy boxer a maikkat iti panunot ti pannakaabakna ken ni Oscar Collazo ti Puerto Rico iti WBO world minimum weight title.
