LAOAG CITY – Pimmusayen ti Pinoy golfer a ni Felix ‘Cassius’ Casas iti tawe na a 57.
Kinumpirma daytoy ti kabsat na a babai a Angie.
Sumagmamano a lawas sakbay ti ipupusay ni Casa, ket nakapasar daytoy ti nakaro a panaguyek ken kadagitoy laeng a lawas a naipan isuna iti balay pagagasan gapu ta marigatanen nga aganges.
Maipalagip a ti Davao-born ket nagballigi kadagiti nagduduma a pasalip agraman ti Philippine Open idi 2001 ken Philippine Masters idi 2000 iti Villamor.
Nangabak pay daytoy iti Razon Cup iti namidwa a daras iti Country Club.
Napili pay isuna para iti Tiger Woods iti exhibition game iti Mimosa iti Clark idi 1998.
Isuna pay ti kaunaan a Pinoy a nagay-ayam iti US Open ken kaunaan nga alternate iti Bethpage Black idi 2002.
