LAOAG CITY – Naisem a nagawid ti maysa nga Overseas Filipino Worker iti pagilian nga Oman kalpasan a naileppas na ti naangay nga Beast Level ti Spartan Race idiay Dubai.
Daytoy ket gapu ta dandanin a magun-od nan ti arapaap na nga trifecta medal.
Segun kenni Mr.Marlon Olsino Bay-an , tubo ti Benguet, assistant pharmacist, mapakaamuan no kaano na a maala ti medalion a trifecta.
Inlawlawag na nga addaan ti 9 a level ti spartan race ken nalpas nan ti tallo a level.
Dagitoy ket ti Sprint, Super, ken Beast no sadino a pakagun-odan na ti trifecta medal.
Nupay kasta, posible a gandaten ni Bay-an ti makipaset iti Ultra Beast level ngem daytoy ket narigrigat nga amang gapu kadagiti obstacles.
