LAOAG CITY – Inbatad ti maysa nga OFW idiay South Korea nga awan ti epekto na kadakuada ti anyaman a riribok kangrunaan iti bumarbara a tensyon ti North Korea ken Estados Unidos.
Daytoy ti inbatad ni Mr. Jomar Jasa, chief operator ti maysa a kompanya iti South Korea ken tubo ti Oriental Mindoro.
Kuna na a ti panagtalinaed ken panagtrabaho na ti walo a tawen ket nakita na dagiti koreano nga awan anyaman na kadakuada agraman kadagiti Pilipino ti mapaspasamak iti agdama.
Inbatad ni Hasa nga adda pay ti gandat a pannakaibakwit da manupis iti asideg ti boundary ti North ken South Korea ngem saan a natuloy gapu ta naiget ti talek da iti gobyerno ti South Korea.
Innayon na a no adda ti maipadamag a tensyon ket iserra dagiti otoridad dagiti pagpasyaran a sakop ti demilitarized zone wenno DMZ iti mismo a nagbaetan ti North ken South Korea.
