LAOAG CITY – Saan a maawanan ti namnama dagiti sumagmamano a Pilipino Workers idiay Saudi Arabia no maituloy a mapatalaw da iti nasao a pagilian intono tawen 2020 gapu iti Saudization.
Kuna ni Mr. Jayson Baay, tubo iti Vintar Ilocos Norte ken agdama nga agpapaay kas government worker idiay Jeddah a makigasang-gasat da iti sabali a pagilian no matuloy a mapatalaw da.
Segun kenni Mr. Baay, adu a Pilipino ti maam-amak ken dagiti sabsabali a puli gapu ta mapukawan da ti trabaho nangnangruna dagiti napaoten nga agtrabtrabaho idiay Saudi Arabia.
Kuna pay ni Baay a no mapatalaw da idiay Saudi ket sabali a pagilian iti Middle East ti possible a pagakaran da.
Kuna na a marikrikna na a saanen nga agala ti Saudi kadagiti ganganaet a doktor, dentista ken nurses.
Naamuan nga adda dan Saudian nurse ti agtrabtrabaho kadagiti ospital iti nasao a pagilian a no sadinno a ti dati ket dagiti gangannaet a kas kadagiti Pinoy nurses.
Patyen ni Mr. Baay nga iti tawen 2020 ket possible a dagiti domestic helpers dagiti mabati a foreign workers idiay Saudi Arabia.
