LAOAG CITY – Rumrummuar a dagiti Pilipino ti kangrunaan nga aglaklako ken gumatgatang kadagiti secondhand a fashion item iti intero a Southeast Asia, basar iti report ti “Year-in-Secondhand” ti Carousell.
Intampok ti online classifieds marketplace ti naiget a panangarakop ti Pilipinas iti pre-loved shopping kas maysa a lifestyle ken maysa nga eco-conscious a pagpilpilian.
Ti fashion kadagiti babbai ket nagtalinaed nga isu ti kalalatakan a kategoria ti secondhand ti Carousell iti Southeast Asia. Ti Pilipinas ti mangbukbukel ti 30% kadagiti transaksion iti rehion.
Naammoan a dagiti Pilipino nga aglaklako ket nakaala met ti average a ₱39,000 iti tunggal maysa manipud kadagiti secondhand a lako ita a tawen a naipan ti pagilian iti kangrunaan a tallo a merkado para kadagiti birok iti platform.
