LAOAG CITY – Nagleppas iti maikawalo ken maudi a puesto ni Filipino wheelchair racer Jerrold Mangliwan iti men’s T52 finals ti Paris Paralympics.
Nakairekord daytoy ti 1 a minuto ken 4.55 a segundo iti ay-ayam a naiyuswat iti parbangon ti Sabado.
Indauloan ni Maxime Carabin ti Belgium a nakagun-od ti balitok iti oras a 55.10 a segundo.
Gapu iti daytoy, naala ni Carabin ti trono ken ni Tomoki Sato ti Japan a nangabak laeng ti silver nga addaan ti oras a 56.26 a segundo.
Idinto a nagun-od met ti pambato ti Japan a ni Tomoya Ito ti bronze medal a nakairekord ti 1:01.08.
Adda pay ti tsansa a makagun-od ti medalya ni Mangliwan no agballigi daytoy iti men’s 100 meter T52 inton Setiembre 6.
