LAOAG CITY – Naarestar ti maysa a pintor iti Anti-Illegal Drug Buy-bust Operation iti Barangay Manalpac iti ili ti Solsona.
Segun ken ni P/Capt. Randy Damo, Hepe ti Solsona Municipal Police Station, nabigbig ti suspek a ni Allan Ikitan, agtawen ti 28, awanan ti asawa ken residente iti nasao met laeng a barangay.
Inbatadna a natiliw ti suspek kalpasan a maipagarup a naglako ti maysa nga heat sealed transparent plastic sachet a naglaon ti maipagarup a shabu iti police poseur-buyer.
Malaksid iti daytoy, nakumpiskar pay ti maysa nga heat sealed transparent plastic sachet a naglaon ti maatap a shabu, buy-bust money ken dadduma pay a drug paraphernalia.
Naammoan a ti nasao a suspek ket maibilang nga Street Level Individual ken newly identified drug personality.
Innayonna a ti suspek ket maysa kadagiti maipagarup nga agiwarwaras ken agus-usar ti maipawil nga agas iti Barangay Manalpac iti ili ti Solsona.
