LAOAG CITY – Inbatad ni Senador Sherwin Gatchalian a pirma laengen ti kurang tapno mapagbalin a naan-anay a linteg ti SIM Card Registration Act.
Inlawlawag na a no mapagbalin a naan-anay a linteg ti gakat ket mandatory a maiparehistro amin a magatang a simcards ditoy pagilyan.
Mamati ni Gatchalian a babaen iti daytoy nga addang ket malapdan dagiti tattao nga agusar ti cellphone tapno mangharass wenno mangbully iti sabali a tao.
Kuna pay ti senador a maus-usar pay ti cellphone kas triggering devices para iti panagbomba.
Agtalek ni Gatchalian a no maiparehistro amin a sim cards ket bumaba ti kaso iti krimen ditoy pagilyan.
