LAOAG CITY – Nakasublin iti Philippine peso iti 55-level kontra iti panagkapsot ti US dollar.
Addan iti innem a bulan a maibilang a napigsa ti piso kontra iti dolyar.
Adda ti rimmuar a baro a datos a mangsupsuporta iti nasapa a nam-ay ti Bangko Sentral ng Pilipinas (BSP) ken mangnamnama para iti nadakdakkel a ‘rate cut’ ti US Federal Reserve.
Nagleppas ti lawas a ti piso ket dimmanon iti 55.905 kontra iti maysa a dolyar.
Daytoy ti maibilang a kapigsaan a performance ti piso sipod a nagleppas iti 55.92 kontra iti dolyar idi Marso 19, 2024.
Inbatad ni Robert Ruben Carlo Asuncion, Chief Economist ti Union Bank of the Philippines, simmanod ti dolyar kalpasan a rimmuar ti weak jobs data a namnamaen ti Estados Unidos a 50-basis point (bp) rate cut ti Fed, nadakdakkel iti 25-bp reduction nga insurat dagiti negosiante iti kallabes.
