LAOAG CITY – Nagtultuloy ti panagsadsad ti Philippine peso iti maikapito a nagsaruno a panagsinnukat idi kalman, Biernes, Abril 19.
Daytoy ti kababaan iti uneg ti 17 a bulan.
Nagrikep iti panagsinnukat idi Biernes iti P57.65 iti maysa a dolyar manipod iti balorna idi Huebes a P57.19 iti maysa a dolyar.
Daytoy ti kababaan a piso sipod idi nagrikep daytoy iti P57.375 iti maysa a dolyar idi Nobiembre 22, 2022.
Daytoy met ti kabaroan a 17-month low para iti local unit sipod idi Nobiembre 10, 2022 idi agrikep daytoy iti P58.19 iti maysa a dolyar.
