LAOAG CITY – Mangisayangkat ti Pagkakaisa ng mga Samahan ng Tsuper at Opereytor Nationwide ti nalawa a transport strike inton Abril 29 ken 30.
Inbatad ni Pagkakaisa ng mga Samahan ng Tsuper at Opereytor Nationwide Secretary General Ruben Baylon a nupay man malpasaen ti deadline ti consolidation inton Abril 30 ket itultuloyda nga agpasada.
Idi Martes ket nagturong ti grupo iti Korte Suprema ken nangiwayata ti tignay prosteta.
Inpaganetget ti grupo a ti consolidation program ket nasken a boluntario ken saan a ti gobierno ti mangdikdiktar.
Mangnamnama ti nasao a grupo a mangiruar ti Temporary Restraining Order ti Supreme Court tapno lappedan Public Utility Vehicle modernization program.
